თბილისის აპოლონ ქუთათელაძის სახელობის სახელმწიფო სამხატვრო აკადემიის, თურქეთის საელჩოსა და თურქ ბიზნესმენთა ასოციაციის საქართველოში - ორგანიზებით 2022 წლის 30 მაისს 18:00 საათზე თბილისის სახელმწიფო სამხატვრო აკადემიის დიდ საგამოფენო სივრცეში გაიმართება თურქი მხატვრის გულაი ილდირიმ აის გამოფენა „სიცარიელე,’’ რომელიც ეძღვნება თურქეთ-საქართველოს დიპლომატიური ურთიერთობის 30 წლის იუბილეს.
აღსანიშნავია, რომ კულტურული სექტორის მხრიდან ამ მნიშვნელობის ღონისძიების გამართვა გულისხმობს არსებული დიპლომატიური და კულტურული ურთიერთობების გაღრმავებას ორ ქვეყანას შორის. თურქი მხატვრის, გულაი ილდირიმ აის გამოფენის ორგანიზება ხელს იწყობს ახალი შემოქმედებითი პერსპექტივების გაჩენას.
დაანონსებული გამოფენის მიზანია თანამედროვე თურქი მხატვრის, გულაი ილდირიმ აის, სამეტყველო ენის გაცნობა ქართული საზოგადოებისთვის, რაც უპირველეს ყოვლისა გამოფენის თემატიკით განისაზღვრება, რაც, თავის მხრივ, ხელს უწყობს ამ ორი ქვეყნის კულტურათაშორისი დიალოგის წარმატებულ წარმართვას.
ნიშანდობლივია, რომ გამოფენაზე წარმოდგენილი იქნება მხატვრის გულაი ილდირიმ აის მამის, ქენან ილდირიმის (პატარიძის) საარქივო მასალა. სწორედ გამოფენის ეს გაცნობითი განაცხადი წამოწევს საქართველოსა და თურქეთის ისტორიული პლასტის მნიშვნელოვნებას.
თბილისის სახელმწოფო სამხატვრო აკადემია წარსდგება, როგორც მასპინძელი, რომელიც ყოველთვის მზად არის შექმნას და ხელი შეუწყოს განსხვავებული დიაპაზონის მსუყე პროპაგანდისტულ-კულტურული სივრცის პოპულარიზაციას.
გამოფენა გაგრძელდება 8 ივნისის ჩათვლით.
