|
|
9 თებერვალს, თბილისის აპოლონ ქუთათელაძის სახელობის სახელმწიფო სამხატვრო აკადემიაში ვიზიტით იმყოფებოდა იტალიის რესპუბლიკის სრულუფლებიანი ელჩი საქართველოში, ენრიკო ვალვო. დიპლომატს უმასპინძლა თბილისის აპოლონ ქუთათელაძის სახელობის სახელმწიფო სამხატვრო აკადემიის რექტორმა, ყარამან ქუთათელაძემ. შეხვედრას ესწრებოდნენ: იტალიის რესპუბლიკის საელჩოს წარმომადგენელი - ნინო კილასონიძე, სამხატვრო აკადემიის საერთაშორისო ურთიერთობების განყოფილების უფროსი - მაია ყიფიანი და არქიტექტურის ფაკულტეტის საერთაშორისო პროექტების კოორდინატორი, ნესტან წიკლაური. საუბარი შეეხო თანამშრომლობის მეტად გაღრმავებას და სამომავლო გეგმებს.
|
