თბილისის აპოლონ ქუთათელაძის სახელობის სახელმწიფო სამხატვრო აკადემიასა და სივრცითი და ქალაქთმშენებლობითი განვითარების სააგენტოს შორის, მემორანდუმი გაფორმდა. თანამშრომლობის ფარგლებში, სტუდენტებისა და პერსონალის კვალიფიკაციის ამაღლების მიზნით, ერთობლივი ღონისძიებები ჩატარდება. სტუდენტებისთვის განხორციელდება საგანმანათლებლო პროგრამები. ასევე, უზრუნველყოფილი იქნება სამეცნიერო პოტენციალის ჩართულობა - სივრცითი და ქალაქთმშენებლობითი დაგეგმვის პროცესში. მემორანდუმს ხელი მოაწერეს: სივრცითი და ქალაქთმშენებლობითი განვითარების სააგენტოს უფროსმა - იოანე მენაბდემ და თბილისის აპოლონ ქუთათელაძის სახელობის სახელმწიფო სამხატვრო აკადემიის რექტორმა - ყარამან ქუთათელაძემ.