გაცნობებთ, რომ 2018 წლის 24-27 სექტემბერს CECA-ს (ICOM-ის სამუზეუმო განათლებისა და კულტურული აქტივობების საერთაშორისო კომიტეტი)  და ICOM-ის საქართველოს ეროვნული კომიტეტის თანამშრომლობით ჩატარდება CECA-ს საერთაშორისო სამეცნიერო კონფერენცია "მუზეუმები, განათლება და კულტურული აქტივობა: ძველსა და თანამედროვე მნიშვნელობებს შორის".
დეტალური ინფორმაცია კონფერენციის თემატიკისა და მონაწილეობის შესახებ იხილეთ დანართში.

კონფერენციის ფარგლებში ჩატარდება სპეციალური ვორქშოპები სამუზეუმო განათლებისა და კულტურული აქტივობების თემებზე. 

მოხსენებების ფორმატი:

• კვლევითი მოხსენება (20 წუთი)
• თემატური მოხსენება (15 წუთი)
• მოკლე პრეზენტაცია (7 წუთი)
• პოსტერ-პრეზენტაცია

თეზისების მიღების ბოლო ვადა: 20 აპრილი, 2018
თეზისები უნდა გაიგზავნოს შემდეგ ელ-ფოსტაზე: info@ceca2018.ge 

კონფერენციის სამუშაო ენები: ინგლისური, ესპანური, ქართული 

კონფერენციაში მონაწილეობის პირობები:
მოხსენებების თეზისების დამტკიცების შემდეგ თითოეული მონაწილე გაივლის ონლაინ-რეგისტრაციას და გადაიხდის სარეგისტრაციო თანხას. 
კონფერენციის სარეგისტრაციო გადასახადი მოიცავს კონფერენციის ყველა სესიაზე დასწრებას, კონფერენციის სამუშაო პაკეტის მიღებას, თეზისების დაბეჭდვას, ვორქშოპებში მონაწილეობას (შესაბამისი რეგისტრაციის საფუძველზე); ყავა/ჩაი/ლანჩი.  

დეტალური ინფორმაცია კონფერენციაზე რეგისტრაციის, კონფერენციის სესიებისა და ვორქშოპების შესახებ განთავსდება აპრილში კონფერენციის ვებ-გვერდზე: www.ceca2018.ge  шаблоны для dle 11.2