AF-L’Artigiano, the Global Village of Arts and crafts  მილანში, იტალიაში - ეს  არის ყოველწლიური   რეწვის ნიმუშების უდიდესი საერთაშორისო გამოფენა-გაყიდვა მსოფლიოში, რომელიც წელს იმართება 2018 წლის 1-9 დეკემბერს.

თბილისის სახელმწიფო სამხატვრო აკადემიის ლურჯი სუფრის სამეცნიერო-კვლევითი ლაბორატორიამ - მილანის გამოფენა/გაყიდვაზე წარადგინა ლურჯი სუფრები (ლაბორატორიის დამფუძნებელი- დიზაინის ფაკულტეტის დეკანი, პროფესორი, თ. კლდიაშვილი), ხელსახოცები და თავსაბურავები, რომლებიც ეფუძნება XX საუკუნეში აღორძინებულ, ბამბისა და აბრეშუმის ქსოვილისგან დამზადებული სახიანი ქსოვილის ბეჭდვის XVI საუკუნის ქართულ ტრადიციას, და რომლებიც იქმნება როგორც ტრადიციული ცივი კუბური ღებვის მეთოდით, ისე თანამედროვე - ფოტოფილმბეჭდვით. ასევე ექსპონირებული იყო  ლურჯი სუფრის თემაზე სხვადასხვა ორნბამენტითა და ტექნიკით შესრულებული  ქართული საშობაო სუვენირები, რომელიც უკვე რამდენი წელია  ევროპელი მომხმარებლის დიდ მოწონებას იმსახურებს.