|
|
გამოცხადდა კონკურსი „ორიენტირი“ - კულტურისა და ხელოვნების სფეროში საგანმანათლებლო და სამეცნიერო- კვლევითი საქმიანობის ხელშეწყობა“ კონკურსში მონაწილეობის უფლება აქვთ საქართველოს განათლების, მეცნიერების, კულტურისა და სპორტის სამინისტროს სისტემაში შემავალ სსიპ ორგანიზაციებს. საკონკურსო განაცხადები მიიღება 2019 წლის 18 მარტიდან 12 აპრილის 15:00 სთ-მდე საქართველოს განათლების, მეცნიერების კულტურისა და სპორტის სამინისტროში, მისამართზე: თბილისი სანაპიროს ქ. N4 6.2. განაცხადის წარმოდგენასთან და კონკურსთან დაკავშირებულ სხვა საკითხებზე კონსულტაციები გაიმართება სამინისტროში 2 ეტაპად: ა) 2019 წლის 21 მარტს 14:00 სთ-ზე; ბ) 2019 წლის - 5 აპრილს 14:00 სთ-ზე; თსს აკადემიის სტუდენტებს, მაგისტრანტებს/დოქტორანტებს, ასევე აკადემიურ, მოწვეულ და სამეცნიერო პერსონალს დამატებითი კითხვების შემთხვევაში ან ინდივიდუალური კონსულტაციისათვის გთხოვთ მიმართოთ სამეცნიერო კვლევებისა და განვითარების სამსახურს. |