2016 წლის 4-6 აპრილს თურქეთის ერთი-ერთი წამყვანი ბილკენტის უნივერსიტეტის რექტორის მოწვევით, ანკარაში იმყოფებოდა თბილისის სამხატვრო აკადემიის პროფესორ-მასწავლებლების და მხატვრების დელეგაცია რექტორის, პროფ. გია გუგუშვილის ხელმძღვანელობით.

2016 წლის 5 აპრილს გაფორმდა თანამშრომლობის ხელშეკრულება აკადემიური პერსონალის გაცვლითი პროგრამების თაობაზე ბილკენთის უნივერსიტეტსა და თბილისის სახელმწიფო სამხატვრო აკადემიას შორის. ხელშეკრულებას ხელი მოაწერეს ბილკენთის უნივერსიტეტის რექტორმა ბატონმა აბდულაჰ ატალარმა და თბილისის სახელმწიფო სამხატვრო აკადემიის რექტორმა ბატონმა გია გუგუშვულმა.

2016 წლის 3 -7 აპრილს იგეგმება თბილისის სახელმწიფო სამხატვრო აკადემიის რექტორის გია გუგუშვილის და სამუშაო ჯგუფის ვიზიტი ბილკენთის უნივერსიტეტში. პროექტი სასწავლო ინსტიტუციებს შორის 
თანამშრომლობის შესახებ ინიცირეებულია იუსუფ ფუატის და ალექსანდრა გაბუნიას მიერ. 

სამხატვრო აკადემიის დიზაინის ფაკულტეტის სტუდენტები და კურსდამთავრებულები (მოდის, ტექსტილისა და სამრეწველო დიზაინის მიმართულებები) მონაწილეობენ პრესტიჟულ საერთაშორისო კონკურსში ITS (,,International Talent Support,,), რომელიც მიმდინარე წელს გაიმართება იტალიაში (ქ. ტრიესტე).

2016 წლის 12-13-14 მარტს ფლორენციაში, დელ ბიანკოს ფონდის ეგიდით ჩატარდა ექსპერტთა მე-18 გენერალური ასამბლეა, რომლის ფარგლებშიც ჩატარდა კონფერენცია "ინტერკულტურული დიალოგი-განათლება, კულტურული მემკვიდრეობის მატერიალური და არამატერიალური ძეგლები, კულტურული ტურიზმი". 

არასამთავრობო ორგანიზაცია Georgian Society of Investment Professionals (GSIP) ატარებს საერთაშორისო დონის სტარტაპ შეჯიბრს-Seedstars World. აღნიშნული პროექტი გახლავთ საერთაშორისო ექსკლუზიური სტარტაპების შეჯიბრი მსოფლიოს მასშტაბით, რომელიც ორიენტირებულია სწრაფად მზარდი ეკონომიკის ქვეყნებში სტარტაპების ეკოსისტემის განვითარებაზე.