საერთაშორისო ვორქშოფები / სემინარები » გვერდი 3 » თბილისის სამხატვრო აკადემიის პორტალი

ბრატისლავას აკადემიის წარმომადგენლების ვიზიტი

ბრატისლავას აკადემიის წარმომადგენლების ვიზიტი - თბილისის აპოლონ ქუთათელაძის სახელობის სახელმწიფო სამხატვრო აკადემიაში.

2023 წლის 19-23 ივნისს, თბილისის აპოლონ ქუთათელაძის სახელობის სახელმწიფო სამხატვრო აკადემიაში, სამხატვრო აკადემიასა და სლოვაკეთის, ქ. ბრატისლავას სახვითი ხელოვნების და დიზაინის აკადემიას შორის გაფორმებული ერასმუს ინსტიტუციური ხელშეკრულების ფარგლებში, განხორციელდა ბრატისლავას აკადემიის წარმომადგენლების ვიზიტი. ვიზიტის ფარგლებში, მედია ხელოვნების ფაკულტეტის სტუდენტებისთვის, ფოტოგრაფიის პროფესორმა Dominika Jackulikova-მ ჩაატარა ფოტოგრაფიის მიმართულების პრეზენტაცია და ვორქშოფი სტუდენტებისთვის, ხოლო 1-6 ივნისს, ბრატისლავას აკადემიის ერასმუს კოორდინატორმა, Natália Šovčíková-მა, ტრენინგ მობილობის ფარგლებში, ჩაატარა სამხატვრო აკადემიის სასწავლო პროგრამების, ხარისხის სამსახურისა და საერთაშორისო პროექტების კვლევა. დაიგეგმა შემდგომი თანამშრომლობა ერასმუს+ პროგრამის ფარგლებში.

ბრატისლავას აკადემიის პროფესორების ვიზიტი სამხატვრო აკადემიაში

2023 წლის 21-26 მაისს - თბილისის აპოლონ ქუთათელაძის სახელობის სახელმწიფო სამხატვრო აკადემიაში, სამხატვრო აკადემიასა და სლოვაკეთის, ქ. ბრატისლავას სახვითი ხელოვნების და დიზაინის აკადემიას შორის გაფორმებული ერასმუს ინსტიტუციური ხელშეკრულების ფარგლებში, განხორციელდა ბრატისლავას აკადემიის პროფესორების ვიზიტი.

ცნობილი ამერიკელი მხატვრის მაკარტურ ბინიონის ვორქშოფი

16 მაისს, თბილისის აპოლონ ქუთათელაძის სახელობის სახელმწიფო სამხატვრო აკადემიას ესტუმრა და სტუდენტებისთვის ვორქშოფი ჩაატარა ცნობილმა ამერიკელმა მხატვარმა - მაკარტურ ბინიონიმ, რომელიც ამჟამად ცხოვრობს და მუშაობს ჩიკაგოში. დეტროიტის სახელმწიფო უნივერსიტეტის დამთავრების შემდეგ, მან სწავლა განაგრძო კრენბრუკის სამხატვრო აკადემიაში, ფერწერის განხრით. მისი სადიპლომო ნამუშევარი შესულია ნიუიორკის - უიტნის მუზეუმის კოლექციაში. 2017 წელს, მხატვრის ნამუშევარი „დ.ნ.მ.-ი, შავი ფერწერა V.“ გახდა ვენეციის ბიენალეს ჰაილაითი. არტისტს დღეს წარმოადგენენ მსოფლიოში განთქმული გალერეები: „ლეჰმან მაფენი (Lehmann Maupin)“ ნიუ-იორკში და ჰონგ კონგში, და „მასსიმო დე კარლო (Massimo de Carlo)“ მილანში და ლონდონში. მისი ნამუშევრები წარმოდგენილია ასევე ბოლო წლების ყველა დიდ არტ-ბაზარზე: „არტ ბაზელი (Art Basel)“ და „ფრიზი ლონდონი (Frieze London). ბინიონის პირველი დიდი სამუზეუმო სოლო გამოფენა გაიხსნა 2021 წელს, ფლორენციის „ნოვოჩენტო მუზეუმში - Museo Novecento“, სადაც ექსპოზიციის ერთ-ერთი ნაწილი გახლდათ ფილმი მისი ბოლო წლების შემოქმედების შესახებ - „ენადაბმული: ვდგავარ: გავშეშდი: (მომდევნო აზრები)“, რეჟ. მარიკა მაიოროვა. აღნიშნული ფილმი ქართული თარგმანით, 2023 წლის 19 მაისს ნაჩვენები იქნება კინოთეატრ „ამირანში“.

ქ. ბრატისლავას სახვითი ხელოვნების და დიზაინის აკადემიის სახვითი ხელოვნებისა და ინტერმედიის პროფესორის ვიზიტი

25-28 აპრილს, თბილისის აპოლონ ქუთათელაძის სახელობის სახელმწიფო სამხატვრო აკადემიის - სახვითი ხელოვნების ფაკულტეტს ეწვია თსსა ერასმუს პარტნიორი, სლოვაკეთის, ქ. ბრატისლავას სახვითი ხელოვნების და დიზაინის აკადემიის სახვითი ხელოვნებისა და ინტერმედიის პროფესორი Anton Čierny.
პროფესორის მობილობა, განხორციელდა სამხატვრო აკადემიასა და ბრატისლავას სახვითი ხელოვნების და დიზაინის აკადემიას შორის გაფორმებული ერასმუს+ ინსტიტუციური ხელშეკრულების ფარგლებში.

ავსტრიელმა პროფესორმა, სახვითი ხელოვნების მიმართულების სტუდენტებისთვის ჩაატარა "Artist Talk", პრეზენტაცია ატელიეს ‘Spatial Communications+’ შესახებ და ვორქშოფი - "თანამედროვე ხელოვნება საჯარო სივრცეში". სტუდენტებს გადაეცათ ერასმუს სერტიფიკატები. სტუმარი შეხვდა ასევე თბილისის აპოლონ ქუთათელაძის სახელობის სახელმსიფო სამხატვრო აკადემიის რექტორს.

მარკუს შრანზერის ვორქშოფი

24-28 აპრილი, დიზაინის ფაკულტეტის სამრეწველო დიზაინის მიმართულებას, ერასმუს პროგრამის ფარგელბში, სამუშაო ვიზიტით ესტუმრა ზალცბურგის გამოყენებით მეცნიერებათა უნივერსიტეტის - FH Salzburg პროფესორი მარკუს შრანზერი.
პროფესორი 4 დღის განმავლობაში სტუდენტებთან ჩაატარა ვორქშოპი სახელწოდებით “ბრენდზე ორიენტირებული დიზაინი”. სტუდენტებმა, ცნობილ ბრენდებზე დაყრდნობით, შექმნეს გრაფიკული და მოცულობითი ნამუშევრები. ვორქშოპის დასრულების შემდეგ გაიმართა შემაჯამებელი პრეზენტაცია და სტუდენტებს გადაეცათ სერთიფიკატები.

წინა 1 2 3 4 5 6 7 8 9 10 ... 16 შემდეგი