2023 წლის 19-23 ივნისს, თბილისის აპოლონ ქუთათელაძის სახელობის სახელმწიფო სამხატვრო აკადემიაში, სამხატვრო აკადემიასა და სლოვაკეთის, ქ. ბრატისლავას სახვითი ხელოვნების და დიზაინის აკადემიას შორის გაფორმებული ერასმუს ინსტიტუციური ხელშეკრულების ფარგლებში, განხორციელდა ბრატისლავას აკადემიის წარმომადგენლების ვიზიტი. ვიზიტის ფარგლებში, მედია ხელოვნების ფაკულტეტის სტუდენტებისთვის, ფოტოგრაფიის პროფესორმა Dominika Jackulikova-მ ჩაატარა ფოტოგრაფიის მიმართულების პრეზენტაცია და ვორქშოფი სტუდენტებისთვის, ხოლო 1-6 ივნისს, ბრატისლავას აკადემიის ერასმუს კოორდინატორმა, Natália Šovčíková-მა, ტრენინგ მობილობის ფარგლებში, ჩაატარა სამხატვრო აკადემიის სასწავლო პროგრამების, ხარისხის სამსახურისა და საერთაშორისო პროექტების კვლევა. დაიგეგმა შემდგომი თანამშრომლობა ერასმუს+ პროგრამის ფარგლებში.