საერთაშორისო ვორქშოფები / სემინარები » გვერდი 7 » თბილისის სამხატვრო აკადემიის პორტალი

ზალცბურგის გამოყენებით მეცნიერებათა უნივერსიტეტის სტუდენტებისა და პროფესორების ჯგუფი აკადემიაში

26 აპრილს, სამხატვრო აკადემიაში, დიზაინის ფაკულტეტს ესტუმრა ზალცბურგის გამოყენებით მეცნიერებათა უნივერსიტეტის FH Salzburg University of Applied Sciences - პროდუქტის დიზაინის მიმართულების სტუდენტებისა და პროფესორების 34 კაციანი ჯგუფი.

მათ დაათვალიერეს სამხატვრო აკადემიის ისტორიული შენობა და სტუდიები, შემდეგ დიზაინის ფაკულტეტის სტუდენტებთან ერთად მონაწილეობა მიიღეს ფაკულტეტის 6 მიმართულების ვორქშოპში:

ტექსტილის დიზაინი;
მხატვრული კერამიკა;
მხატვრული მინა;
ხის მხატვრული დამუშავება და ავეჯის დიზაინი;
სამკაული და ლითონის დეკორატიული პლასტიკა;
სამრეწველო დიზაინი.
პირველ დღეს ჩატარდა 5 ვორქშოპი სამ სხვადასხვა ლოკაციაზე.

წიგნის კონსერვაციის ვორქშოფი. პროფესორების მობილობა ტარტუდან(ესტონეთი)

2022 წლის 11-14 აპრილს, თბილისის სახელმწიფო სამხატვრო აკადემიის ორგანიზებით, რესტავრაციის, ხელოვნების ისტორიისა და თეორიის ფაკულტეტის სტუდენტებისთვის გაიმართა პალასის (ტარტუ, ესტონეთი) გამოყენებითი მეცნიერებების უნივერსიტეტის ტყავისა და კონსერვაციის დეპარტამენტის (https://pallasart.ee/en/) ხელმძღვანელის, ბატონი RenéHaljasmäe ლექციებისა და ვორქშოფების სერია. მან სტუდენტებსა და კოლეგებს გააცნო ესტონეთში წიგნისა და ქაღალდის კონსერვაციის ისტორია და მეთოდოლოგია, ასევე ბიბლიოთეკებსა და არქივებში წიგნის კონსერვაციის თანამედროვე მიდგომები და გამოწვევები.

13-14 აპრილი, 2022 - ვორქშოფი არქიტექტურის ფაკულტეტის სტუდენტებისათვის

13-14 აპრილი, 2022 - თბილისის სახელმწიფო სამხატვრო აკადემია

არქიტექტურის ფაკულტეტის სტუდენტებისათვის გაიმართა ვორქშოფი ერასმუს+ პროგრამის ფარგლებში.
კასტელოს ხელოვნების უმაღლესი სკოლის - Escola d'Art i Superior de Disseny de Castelló  ინტერიერის დიზაინის მიმართულების პროფესორმა - Mirentxu Sardina-მ გამართა სემინარი და ვორქშოფი. მონაწილე სტუდენტებს გადაეცათ ერასმუს სერიფიკატები.

ვორქშოფის თემა იყო - The feelings  neighborhood, რის მიხედვითაც შეიქმნა კონცეპტუალური მრავალსართულიანი სახლი. თითოეული ნაწილი (Box) განსაზღვრავდა გრძნობასა და განწყობას - სხვადასხვა სიტყვის მეშვეობით.

სამხატვრო აკადემიის სტუდენტებმა გამოიჩინეს კრეატიულობა და შექმნეს ძალიან საინტერესო ფორმის და შინაარსის იმიტირებული მრავალსართულიანი მაკეტი.

თსსა აკადემიური პერსონალის ვორქშოფები ესპანეთში, ერასმუს+

4-8 აპრილი, ესპანეთის, კასტელოს ხელოვნების უმაღლეს სკოლაში - Escola d'Art i Superior de Disseny de Castelló, ერასმუს+ პროგრამის ფარგლებში, გაიმართა თსსა რექტორის, პროფ. გია გუგუშვილის და სახვითი ხელოვნების ფაკულტეტის მოწვეული პროფესორის, ქეთი მატაბელის ვორქშოფების სერია სახვითი ხელოვნების ფაკულტეტის სტუდენტებისთვის, რომლებიც მიწვეულნი იყვნენ ინსტიტუციური თანამშრომლობის გაგრძელების მიზნით ახალი ერასმუს+ პროგრამის ფარგლებში. ამ ეტაპზე, კასტელოში, ერასმუს მობილობით იმყოფება გრაფიკისა და მოდის დიზაინის მიმართულების სტუდენტები, ხოლო ა.წ. გაზაფხულის სემესტრში იგეგმება 4 სხვადასხვა მიმართულების პროფესორის ერასმუს მობილობა თსს აკადემიაში.

ზალცბურგის უნივერსიტეტის პროფესორებისა და სტუდენტების ვორქშოფების სერია, ერასმუს+

26-29 აპრილს თსსა დიზაინის ფაკულტეტს ეწვევა თსსა ერასმუს პარტნიორი, ზალცბურგის უნივერსიტეტის, სამრეწველო დიზაინის მიმართულების, 31 სტუდენტისა და 3 პროფესორისგან შემდგარი ჯგუფი, მათ შორისაა ზალცბურგის უნივერსიტეტის ავეჯის დიზაინის, მოდელირებისა და ვიზუალიზაციის დეპარტამენტის უფროსი, პროფესორი Marcus Schranzer და საერთაშორისო სამსახურის, ICM და პერსონალის მობილობის და ასევე ფულბრაიტის პროგრამის კოორდინატორი Christine Heis, რომლებთანაც იგეგმება მოლაპარაკება სამომავლო თანამშრომლობის გაფართოების შესახებ ახალი ერასმუს პროგრამის ფარგლებში.

წინა 1 ... 3 4 5 6 7 8 9 10 11 ... 16 შემდეგი